HVERSU MINNUGIR ERU HESTAR?

Hekla í útreiðatúr með Glanna sínum

Fyrsta hestinn sem ég eignaðist fékk ég gefins, því eigandinn vildi losna við hann. Ég var þá 11 ára gömul og náttúrulega alltof ung til að fást við slíkan vandamálahest. Það gekk heldur ekki upp hjá okkur og hesturinn var felldur. Það tók mig langa tíma að jafna mig á öllu saman, en ég var samt staðráðin í því að eignast aftur hest.

Ég gerði mér grein fyrir því að það myndi taka tíma að vinna úr þessari reynslu. Ég sætti mig við það, því ég vissi að við áttum ekki til pening til að kaupa hest.

En foreldrar mínir voru dugleg að safna og lögðu til hliðar hverja einustu krónu sem var aflögufær á heimilinu, svo hægt yrði að uppfylla drauminn minn.  Auðvitað var ég líka dugleg að safna og lagði svo til allan vasapeninginn minn í púkkið.

Þegar ég varð 13 ára var biðin loksins á enda. Ég gleymi því aldrei þegar foreldrar mínir sögðu mér að nú væri stóra stundin runnin upp og peningarnir myndu duga fyrir hrossi.

Það er töluvert síðan þetta var, en ég man eftir þessum degi eins og það hefði gerst í gær, þegar við fórum og sóttum hann Glanna minn, fimm vetra bleikskjóttan, þrístjörnóttan fola, þar af ein stjarnan svört.

Það var ekki bara liturinn sem heillaði mig heldur var hann líka einmitt týpan sem ég var að leita eftir, þægur, vinalegur og traustur. Þrátt fyrir ungan aldur var ekkert sem gat komið honum í ójafnvægi.


Strax fyrstu dagana eftir að Glanni kom til okkar fór ég í úteiðartúra á honum og gekk það allt saman án vandræða.

Einn daginn þegar ég fór í útreiðartúr á honum eins og vanalega mundi ég ekkert eftir því að þessa helgi var stórt hestamannamót á Hellu.

Þegar ég fattaði það var ekki til baka snúið. Vegurinn sem ég reið eftir var fullur af bílum margir þeirra með hestakerrur aftan í sem þeystu fram og tilbaka án þess að Glanni léti það nokkuð á sig fá.

Hver bíllinn á fætur öðrum mætti okkur en við Glanni héldum okkar striki þar til að stóran jeppa bar að sem keyrði hægt framhjá okkur og staðnæmdist svo úti í vegarkantinum.

Mér fannst eins og Glanni hefði skírskotað augunum til jeppans þegar hann fór framhjá okkur. Hann allavegana lyfti upp höfðinu og byrjaði að hneggja hátt og herti á ferðinni.

Út úr bílnum stigu eldri hjón sem bæði voru eitthvað um sjötugt og maðurinn studdi sig við staf. Glanni hætti ekki að hneggja fyrren við vorum komin að fólkinu og þar staðnæmdist hann sjálfkrafa. Þið hefðuð átt að sjá andlitið á gömlu hjónunum.

Bæði brostu þau út að eyrum og gamla konan kallaði til okkar: „Er þetta ekki hann Glanni okkar?“

Eftir að ég hafði staðfest það bætti hún við: „Ég vissi að þetta væri hann Glanni!“ sagði hún og bætti við „hann er fæddur okkur og við höfun ekki séð hann síðan við seldum hann þriggja vetra í burtu. Glanni var alltaf í miklu uppáhaldi hjá okkur.

Við höfum oft hugsað til hans og velt fyrir okkur hvað hefði orðið um hann. Það er svo gaman að sjá Glanna aftur og ennþá betra að sjá, að hann hefur lent í góðar hendur hjá ungri stúlku sem hugsar vel um hann“.

Ég fór af baki og horfði snortin á það hvernig gömlu hjónin kysstu og knúsuðu Glanna minn og hann naut þess í botn!

Glanni hefur hvorki fyrr né síðar sýnt slíkt hátterni gagnvart nokkurri manneskju svo ég viti til. Það er því ekki spurning í mínum huga að hann þekkti gömlu hjónin aftur og þetta dæmi sýnir glögglega að hross geta verið mjög minnug.


Hekla Hattenberger Hermundsdóttir

Þýtt úr þýsku

Passar við þessa sögu:

SMILLA, HUNDURINN SEM HVARF

Frásögn um hundinn Smillu sem týndist og örvæntingarfulla leit eiganda hennar, sem gafst ekki upp og tókst með aðstoð góðs fólks tókst að finna hana aftur.

LESA MEIRA

Skildu eftir svar

Netfang þitt verður ekki birt. Nauðsynlegir reitir eru merktir *

300-101   400-101   300-320   300-070   300-206   200-310   300-135   300-208   810-403   400-050   640-916   642-997   300-209   400-201   200-355   352-001   642-999   350-080   MB2-712   400-051   C2150-606   1Z0-434   1Z0-146   C2090-919   C9560-655   642-64   100-101   CQE   CSSLP   200-125   210-060   210-065   210-260   220-801   220-802   220-901   220-902   2V0-620   2V0-621   2V0-621D   300-075   300-115   AWS-SYSOPS   640-692   640-911   1Z0-144   1z0-434   1Z0-803   1Z0-804   000-089   000-105   70-246   70-270   70-346   70-347   70-410  

Senda inn sögu:

Á þessari vefsíðu er ætlunin að bjóða upp á breitt úrval af sögum og frásögnum af hestum úr öllum áttum.

Við leggjum áherslu á listræna hönnun síðunnar þar sem samspil texta og mynda gegnir þýðingarmiklu hlutverki.

Þar af leiðandi gætum við þurft að gera einhverjar breytingar á innsendu efni. Hins vegar verða engar breytingar gerðar nema með samþykki viðkomandi aðila. Áður en sagan er birt á vefsíðunni er hún send til höfundarins til yfirlestrar og ekki birt fyrren búið er að fá samþykki viðkomandi fyrir breytingunum.

PERSÓNULEGAR UPPLÝSINGAR
SAGAN ÞÍN

Best er að þú vistir textann þinn sem World skjal og sendir það ásamt myndum í viðhengi tölvupóstins til okkar. Athugið að senda aðeins inn myndir sem má nota á internetinu eða myndir sem þið eigið höfnundaréttin að.

upplýsingar um söguna